ЕРЕЖЕ «АКТ-ны пайдаланған ҮЗДІК САБАҚ» атты үшінші ХАЛЫҚАРАЛЫҚ ПЕДАГОГИКАЛЫҚ БАЙҚАУЫ

Құрметті әріптестер және ата-аналар! Халықаралық Білім Және Ғылым Академиясы «АКТ-ны пайдаланған ҮЗДІК САБАҚ» атты ІІІ

Халықаралық Педагогикалық Байқауына (қашықтық) қатысуға шақырады!

Осы Ереже функционалдық сауаттылықтарын қалыптастыруға бағытталған. Байқауды ұйымдастыру және өткізу тәртібін және оның қатысушыларға, Байқауға берілетін материалдарға талаптарды анықтайды. Берілетін материалдарды және қатысушы талаптарын бекітеді, жеңімпаздарды анықтау және оларды марапаттау тәртібін реттейді.

Байқауға қатыса алады:

• мектепке дейінгі ұйымдар педагогтерінің барлық санаттары (әдіскерлер, тәрбиешілер, музыкалық жетекшілер, логопедтер, психологтар, дене шынықтыру, жүзу нұсқаушылары, қазақ, ағылшын, орыс тілдері мұғалімдері және т. б.));

• жалпы білім беретін ұйым педагогтарының барлық санаттары;
• ЖОО, ООО оқытушылары және оларға теңестірілген тұлғалар;

• жалпы білім беру ұйымдарының оқушылары, жоғары оқу орындарының және орта кәсіптік оқу орындарының студенттері; магистранттар мен докторанттар.

1. Мемлекет басшысы Қасым-Жомарт Тоқаевтың Қазақстан халқына Жолдауы. «ЖАҢА ЖАҒДАЙДАҒЫ ҚАЗАҚСТАН: ІС-ҚИМЫЛ КЕЗЕҢІ», 1 қыркүйек 2020;

1. Қазақстан Республикасының «Білім туралы» Заңы. 27 шілде 2007 жыл №319-III. (24.11.2015 жылы өзгерістер мен толықтырулар енгізілген);

1. Қазақстан Республикасының кейбір заңнамалық актілеріне білім беру мәселелері бойынша өзгерістермен толықтырулар еңгізу туралы заңы. (4 шілде 2018 жыл №172-VI);

1. Педагогтерді аттестаттаудың жаңа қағидалары (2018 жылғы 12 сәуірдегі № 152 ҚР БҒМ бұйрығы және 2018 жылғы 29 маусымдағы № 316 бұйрығы);

1. Қазақстан Республикасында білім беруді және ғылымды дамытудың 2020 – 2025 жылдарға арналған мемлекеттік бағдарламасы;

1. «Цифрлы Қазақстан» бағдарламасы (№ 827 12.12.2017 ҚР Үкімет Қаулысы)

1. Қазақстан Республикасында орта білім мазмұнын жаңарту шеңберінде бастауыш сынып пәндері бойынша білім беру бағдарламасы, 2016 ж.
2. Болашаққа бағдар - «Рухани Жаңғыру» бағдарламасы.

Байқаудың мақсаттары мен міндеттері

Байқаудың мақсаттары - қазіргі педагогикалық тәжірибені жинақтау және насихаттау үшін мұғалімдердің ғылыми-зерттеу, шығармашылық, кәсіби әлеуетін арттыру. Ғылымға қызығушылығын дамыту.

Міндеттері:

Зерттеулерге және білімге деген қызығушылықты арттыру арқылы оқыту сапасын арттыру. Шығармашылық және танымдық қабілеттерін дамыту, ғылыми жобалар арқылы таланттарды анықтау.

Қатысушылар байқауға мынадай бағыттар бойынша қатыса алады:

• «Мектепке дейінгі ұйымдардың АКТ» бағыты;

• «Бастауыш сынып мұғалімдерінің АКТ» бағыты;
• «Орта сынып мұғалімдерінің АКТ» бағыты;
• «Жоғары сынып мұғалімдерінің АКТ» бағыты;
• «НЗМ мұғалімдерінің АКТ» бағыты;
• «Қосымша білім беру педагогтарының АКТ» бағыты;
• «Колледж/университет оқытушыларының АКТ» бағыты.

Комиссияның номинацияларды көбейту және азайту құқығы бар.

Байқау қатысушылары

Байқауға өз еркімен және тең құқылы негізде жеке қатысушылар және шығармашылық ұжымдар қатыса алады.

Шығармашылық ұжым саны 3 адамдан аспауы керек. Байқауды өткізу мерзімі және тәртібі

Байқауды ұйымдастыру және өткізуді Ұйымдастыру комитеті іске асырады.

Байқау материалдарының сараптамасын байқау комиссиясы іске асырады.