Ұстаз – үздіксіз білім беруші

    Мектеп білім ошағы, тәрбие ордасы, тағылым табалдырығы. Мектеп –тұлғаның толық қалыптасуына жағдай жасайтын әлеуметтік орта. Тәрбие – қоғамдық үрдіс, қоғам мен жеке тұлғаның ара қатынасын қамтамасыз ететін басты жүйе. Тәрбие категориясының маңыздылығы сондай , болашақ ұрпағымыз тәрбиеден ғана Адам болып қалыптасады. Тәрбие мен білім ұйытқысы- ұстаз. Ұстаздардың алдында тұрған ауқымды мақсат – білім дӛрісі биік, рухани ойлау дәрежесі жоғары, парасатты, іскер, бойында басқа да игі қасиеттер қалыптасқан ұрпақты оқытып тәрбиелеу және жаңа техника жетістіктерін толық игерту. Қазіргі таңда еліміздегі оқу- тәрбие жұмысына байланысты жаңартулар білім мен тәрбие жұмысын қайта құруды міндеттеп, өркениетті прогресшіл бағыттағы адамгершілік қасиеті мол, өзге елдегі замандастарымен тең дәрежеде бәсекелесе алатын биік, терең білімді ұрпақ тәрбиелеу болып табылады. Білім беруде әр баланың қабілетін, талантын ашып, өзіне деген сенімін нығайтып, өзіне-өзінің жол ашуына мүмкіндік жасау. Тәрбие мәселесі – адам баласының ғұмырында көнермейтін, ажырамайтын баға жетпес құндылық. Осы орайда тәрбие туралы М.Габдуллин ағамыздың «Тәрбие – дегеніміз баланың үстіне кигізе қоятын дайын киім емес. Тәрбие жұмысының мыңдаған қырымен сыры бар. Олар тәжірибеде сынала келе нәтижеге ие болады. Сондықтан тәрбие мәселесі мектеп өмірінде ешқандай маусымды, үзіліс дегенді білмейді, үздіксіз жүргізіліп отыратын процесс» деп айтқан пікірі ӛсте орынды деп ойлаймын. Бүгінгі оқушы, кешегі біздің кезіміздегі оқушы емес, олар өмірде, айналада болып жатқан өзгерістің бәрін білгісі келеді. Сондықтан шәкірттермен тек тиісті пәндік қатынас, бірыңғай оқу орнының ережесі оқушыны тез жалықтырады, оқу-тәрбие процесінде еңбек, демалыс, өздерінің көңілдері қалаған жарамды іс-әрекеттер де сіңірілуге тиіс. Бұрын кеңес кезеңінде білім беру арқылы тәрбиелеу ретінде қарастырылса, енді тәрбие кеңістігінде білім беру деген ұғым маңызды, оған Әбу Насыр бабамыз айтқан «Тәрбиесіз берілген білім – адамзаттың қас жауы» деген қағидасы дәлел. Елбасымыз білім және ғылым қызметкерлерінің 2 сьезінде «Болашақта еңбек етіп өмір сүретіндер – бүгінгі мектеп оқушылары, оларды мұғалімдер қалай тәрбиелесе, Қазақстан сол деңгейде болады, сондықтан ұстаздар қауымына жүктелетін міндет де ауыр» деген болатын Егемен Қазақстанның өркенниетті қоғам мен құқылы мемлекеттің қалыптасуы деңгейінде ұрпақтың рухани байлығы мен мәдениеттілігін еркін ойлау мен білімділігін арттыру қажеттілігі бүгінгі таңда туындап отырғаны белгілі. Жалпы білім беретін мектеп – баланы өмірге жетелеуші бағбан. Адам өміріндегі негізгі байлық – денсаулық, ал еліміздің ертеңі саналы азаматтарын тәрбиелейтін ұстаздардың да денсаулығы басты назарда болуы шарт. Бұл орайда мұғалім өз жұмысын жандандырып істеуіне мектептегі психологиялық ахуал мен мұғалімнің рухани дамуы ерекше әсер етеді. Ол үшін мен мына қағидаларды ерекше ұстанамын ·Сыныпта қалыпты психологиялық ахуал орнатамын; ·Ұстаздың мақсаты – адамды қалыптастыру; · Әр баланың өмір тіршілігі – өзінше бір тағдыр; · Әр бала – табиғаттың ғажайып құбылысы, оны сол үшін сыйлаймын; Ол үшін мұғалім: - кәсіби біліктілігі жоғары; - үздіксіз білімін көтеретін; - ой өрісі кең; - әдістемелік шеберлігі басым; - жеке тұлғаны қалыптастыратын; - шығармашыл тұлға дайындайтын ерекше қабілет иесі болуы керек. «Ұстаз болу өз уақытын аямау, өзгенің бақытын аялау» деген екен Жан Жак Руссо.

Аширханова Б.К.