Қазіргі мектептердегі білім беру мәселелері

Ұлттық басекелестік қабілеті бірінші кезекте оның білім деңгейімен айқындалады.

Әлемдік білім кеңістігіне толығымен кіріу білім беру жүйесін халықаралық деңгейде көтеруді талап ететіні сөзсіз.

Бұл үшін бейімді оқытуды көздеп отыр.

Қазақстанның дамыған мемлекеттермен терезесі тең болуы үшін ,ең бастысы,білімге көңіл аударуымыз қажет.

Бүгінгі күні білім саласында алдымызда тұрған мақсат-ұлттық иновациялық орта құру.Елбасы Нұрсұлтан Назарбаев «ХХI ғасырда білімін дамыта алмаған ел алға баспайды» деген болатын.Сондықтан елдің дамуы –біздер тәрбиелеп отырған шәкірттердің қолында.Егер ,біз оларға ықыласпен тәрбие беріп ,бастауыш сыныптардан бастап ғылымға деген талпынысын арттырсақ ,сонда олардың инновациялық технологияға деген қызығушылығы басым болады

Инновация сөзі латын сөзінен аударғанда жаңалық енгізу деген ұғымды білдіреді .Ал инновациялық оқыту дегеніміз –жаңалықты ашу ,оныы игеру және өмірге енгізу .

Қазіргі кейбір жаңалық жүйесі ескінің айналып келуі немесе өзгеріске еніп қайталануынан туған мәселелер.

Қазіргі білім беру жүйесінің мақсаты - бәсекеге қабілетті маман дайындау. Мектеп – үйрететін орта, оның жүрегі - мұғалім. Ізденімпаз мұғалімнің шығармашылығындағы ерекшелік - оның сабақты түрлендіріп, тұлғаның жүрегіне жол таба білуі. Қазіргі таңдағы жаңа формация мұғалімі-рефлекцияға қабілетті, өзін-өзі жүзеге асыруға талпынған әдіснамалық, зерттеушілік, дидактикалық - әдістемелік, әлеуметтік тұлғалы, коммуникативтілік, ақпараттық және тағы басқа құзыреттіліктердің жоғары деңгейімен сипатталатын рухани- адамгершілікті, азаматтық жауапты, белсенді, сауатты, шығармашыл тұлға.

Ең бірінші мұғалімнің «өзіндік жаңалығы» болуы қажет.

Қазіргі педагогикалық қызмет – оқушылардың жеке тұлғасын дамытуға басымдық беретін, күрделі әлеуметтік-мәдени жағдайларда еркін бағдарлай алатын, шығармашылық процестерді басқара алатын, адам туралы ғылымның жетістіктерін, оның даму заңдылықтарын, компьютерлік оқыту өнерін терең меңгерген жан- жақты дамыған шығармашыл тұлғаны талап етеді .

Мектептеріміздің бүгінгі жайы мен ертеңі, оқушылардың білімділік және тәрбиелік деңгейі шешуші дәрежеде бізге, яғни, мұғалімге, ата-анаға және қоғам қауымдастығына жүргізілген жұмыстарға, ізденісіне байланысты. Өзіндік жұмыстың негізгі мақсаты оқушылардың танымдық міндеттерін қалыптастыру, шығармашылық қабілеттері мен қызығушылығын жетілдіру, білімге құштарлыгын ояту.

Мұғалім сабақта әдіс – тәсілдерді пайдалана отырып, балалардың ұсыныс - пікірлерін еркін айтқызып, ойларын ұштауға және өздеріне деген сенімін арттыруға мүмкіндік туғызып отыру қажет. Әдіс – тәсілдер арқылы өткізген әрбір сабақ оқушылардың ойлануына және қиялына негізделіп келеді, баланың тереңде жатқан ойын дамытып, оларды сөйлетуге үйретеді. Түрлі әдістемелік тәсілдер пайдалану арқылы қабілеті әртүрлі балалардың ортасынан қабілеті жоғары баланы іздеп, онымен жұмыс жасау, оны жан-жақты тануды ойлап, оқушылардың шығармашылық деңгейін бақылап отыру әрбір мұғалімнің міндеті.

Жаңа технологияны меңгеруде мұғалімнің жан – жақты, білімі қажет. Қазіргі мұғалім:

- педагогикалық үрдісте жүйелі жұмыс жүргізе алатын;

- педагогикалық өзгерістерге тез төселетін;

- жаңаша ойлау жүйесін меңгере алатын;

- оқушылармен ортақ тіл табыса алатын;

- білімді, іскер, шебер болу керек.

Жаңа педагогикалық технологияның ерекшеліктері – өсіп келе жатқан жеке тұлғаны жан –жақты дамыту. Инновациялық білімді дамыту, өзгеріс енгізу, жаңа педагогикалық идеялар мен жаңалықтарды өмірге әкелу. Бұрынғы оқушы тек тыңдаушы, орындаушы болса, ал қазіргі оқушы – өздігінен білім іздейтін жеке тұлға екендігіне ерекше мән беруіміз қажет.

Қазіргі оқушы:

- дүниетаным қабілеті жоғары;

- дарынды, өнерпаз;

- іздемпаз, талапты;

- өз алдына мақсат қоя білуі керек

Қорыта келгенде,болашақтың бүгінгіден де нұрлы болуына ықпал етіп адамзат қоғамын алға апаратын күш тек білімде ғана.

Мұндай жаңа міндеттерді мұғалімнің кәсіби санасының өзгеруінсіз, кәсіби құзіреттілігінің өсуінсіз ескі психологиямен, ескі әдістермен, ескі біліктілік арттыру жүйесімен шешу мүмкін емес. Олай болса қоғам – жаңалыққа жаны құмар, жаңаша ойлайтын, өзгермелі өмірге икемделіп қана қоймай, оны жағымды жаққа өзгертуге белсенді қатысатын жеке тұлғалар көп болуы қажет деп ойлаймын.