Мұғалім ізденісінде көп мән бар

Қазіргі білім беру жүйесінің мақсаты — бәсекеге қабілетті маман дайындау. Мектеп – үйрететін орта, оның жүрегі — мұғалім. Ізденімпаз мұғалімнің шығармашылығындағы ерекше тұс — оның сабақты түрлендіріп, тұлғаның жүрегіне жол таба білуі. Ұстаз атана білу, оны қадір тұту, қастерлеу, арындай таза ұстау — әр мұғалімнің борышы. Ол өз кәсібін, өз пәнін, барлық шәкіртін, мектебін шексіз сүйетін адам. Нарық жағдайындағы мұғалімге қойылатын талаптар: бәсекеге қабілеттілігі, білім беру сапасының жоғары болуы, кәсіби шеберлігі, әдістемелік жұмыстағы шеберлігі. Жинақтай айтсақ, ол – оқыту методика әдiсiне жаңа элементтер ендiру, оның нәтижелілігi арқасында уақытты тиiмдi пайдаланып, сапалық биiкке көтеру. Жаңа технологияны меңгеруде мұғалімнің жан – жақты білімі қажет.

Қазіргі мұғалім:

Педагогикалық үрдісте жүйелі жұмыс жүргізе алатын; педагогикалық өзгерістерге тез төселетін; жаңаша ойлау жүйесін меңгере алатын; оқушылармен ортақ тіл табыса алатын; білімді, іскер,шебер болу керек. Бұрынғы оқушы тек тыңдаушы, орындаушы болса,ал қазіргі оқушы – өздігінен білім іздейтін жеке тұлға екендігіне ерекше мән беруіміз керек.

Жалпы  оқушыларымыздың  жазу  каллиграфиясы  талаптарға  неге  сәйкес  болмайды?  Неліктен оқушылар  көп  қате жібереді?   Қандай  себептері бар?  Осы  кемшіліктерді қалай  жеңеміз?  Осы төңірегіндегі және  тағы  да басқа  сұрақтар мені  ұзақ уақыт  ойландырды. Оқушылардың  сапалы  білім алуға  деген  қызығушылығын  арттыру,  сауаттылығын  дамыту  үшін  мұғалім  жаңа әдіс-тәсілдерді   қолданып,  бір  сөзбен  айтқанда  өз біліктілігі  мен  шеберлігін  жетілдіруге біраз еңсе керек. 

Бастауыш  сынып  оқушыларына бастапқыда  техникалық  талаптарды  орындау  қойылса,  кейін  әріпті,  буынды,  сөзді,  сөз  тіркесті және  сөйлемдерді  дұрыс  жазу  дағдылары қалпына келер еді. “Ғылым қалғып кетсе, қараңғылық бас көтереді” дегендей, заман талабына сай жаңа технологиялармен жұмыс жүргізу алдымызда отырған бала тәрбиесіне зор ықпал ететіні белгілі. Қазіргі мынау заман талабына сай ақпараттық технологиялардың даму қарқынының басымдылығы сонша барлық жазу үрдісі компьютермен қамтылған. Көркем жазу емлесі біз үшін, болашақ жастарымыз үшін ешқашан қалыс қалмау қажет. Қарыштаған заманда біз өз қалыптасқан көркем жазу сауаттылығын ұмытпауымыз керек! Көркем жазу, өзіндік жазу жазбалары сауаттылықтың  нышаны. Оқушыларымыз сауатсыз болмасын десек, жазу дағдысын, көркем үлгі деңгейін көтерейік! Оқушының жазу мәнерін әдемі болып қалыптасуына бастауыш сынып мұғалімдері жауаптымыз.